الرئيسية >> امومة وطفولة >> طفلك >> نصائح لازم تعرفيها قبل ما تخففى ملابس اطفالك
تخفيف ملابس طفلك

نصائح لازم تعرفيها قبل ما تخففى ملابس اطفالك

ملابس اطفال

الفترة الى احنا فيها دى فترة مهمة جدا بالنسبة لطفلك الى هى فترة تغير الجو من البرد الى الحر ودخول الربيع .. وطبعا مينفعش تخففى ملابس طفلك مرة واحدة كدة عشان ميحصلش مشاكل وتعب لا قدر الله

لازم قبل ما تفكرى تخففى ملابس اطفالك تتاكدى اول ان الجو فعلا بدا يبقى حر ودرجات الحرارة بدات فى الارتفاع مش الارتفاع يكون مؤقت والجو يبرد تانى ودى اهم حاجة طبعا

انوثتي هنقدم لك مجموعة من النصائح الى لازم تعرفيها قبل ما تفكرى تخففى ملابس اطفالك:-

1- بدلى الملابس الصوفية بالملابس القطنية … وخلى بالك حاولى تخلى الملابس باكمام فى البداية

2- غيرى البوت والاحذية الشتوية باحذية اخرى من القماش او باحذية بها بعض الفتحات

3- خدى بالك كويس اوى من القبعات لانها مهمة جدا هتحمى طفلك من اشعة الشمس

4- اهتمى اكتر بالبلوزات القطن عشان بتخلى الحركة احسن خصوصا فى الايام الحارة

5- حاولى بقدر الامكان ان يكون معاكى جاكيت قطن فى اغلب الاوقات عشان الطفل لو حس بالبرد تلبسهوله

6- ابداى التخفيف من الطبقات الداخلية بالتدريج عشان الطفل يتعود على درجة الحرارة واحدة واحدة

7- حاولى توفرى تهوية مناسبة فى المنزل قبل الخروج للشارع

8- خففى غطاء طفلك قليلا عند النوم

 

Save